သော့ချက်စာလုံး Bite

စာရေးဆရာ Stephennie Meyer ရဲ့ Twilight ဝတ္ထုကိုရုပ်ရှင်ပြန်ရိုက်ထားတဲ့ The Twilight Saga ရုပ်ရှင်ကားတွေဟာ သူ့ခေတ်အခါမှာ ပရိသတ်အားပေးမှုကို သောက်သောက်လဲ ရရှိခဲ့ပြီး လူငယ်တွေကြားမှာ အတော်ကိုအောင်မြင်ခဲ့တဲ့ ရုပ်ရှင် franchise တစ်ခု ဖြစ်ပါတယ်။ မင်းသား Robert Pattinson နဲ့ Taylor Lautner ၊မင်းသမီး Kristen Stewart တို့ ဦးဆောင်ပါဝင်ခဲ့ပြီး Twilight Saga ရဲ့ ပထမဆုံးရုပ်ရှင် Twilight ရုပ်ရှင်ကားကို ၂၀၀၈မှာ စတင်ရိုက်ကူးခဲ့ပါတယ် Twilight Saga: New Moon (2009), Twilight Saga: Eclipse (2010), Twilight Saga: Breaking Dawn Part 1 (2011) နဲ့ Twilight Saga: Breaking Dawn Part 2 (2012) ဆိုပြီး စုစုပေါင်း ၅ ကားထုတ်လုပ်ရိုက်ကူးခဲ့ပါတယ်။ သွေးစုတ်ဖုတ်ကောင်၊ သမန်းဝံပုလွေ၊ လူသား စတဲ့ မတူညီတဲ့ လောကတွေအကြားက ချစ်ခြင်းမေတ္တာအကြောင်းကို ရိုမန့်တစ်ဆန်ဆန်တင်ဆက်ထားပြီး သရုပ်ဆောင်တွေရော ဇာတ်လမ်းရော ဒိုင်ယာလော့ခ်တွေရော ထိမိလှတာကြောင့် ပရိတ်သတ်တွေရဲ့ အသည်းစွဲ အချစ်ဇာတ်လမ်းတစ်ပုဒ်ဖြစ်ခဲ့ပါတယ်။

Van Helsing ဆိုတာ လူတွေကို သက်သက် အလုပ်မရှိအလုပ်ရှာ လိုက်လံဖမ်းစားသတ်ဖြတ်နေတဲ့ မကောင်းဆိုးဝါးတွေကို လိုက်သတ်နေတဲ့သူ၊ တစ်ရက်တော့ ကျရာတာ၀န်ကို ကျေပွန်စွာ ထမ်းဆောင်ပြီး စခန်းပြန်လာချိန်၊ ကိုယ်မသွားရတိုင်း တွေ့တဲ့နေရာကို ရောက်ချင်တဲ့ ဒုက္ခရောက်ဆိုပြီး အမိန့်ပေးနေတဲ့ အထက်လူကြီး‌တွေထုံးစံအရ Count Dracula ရှိတဲ့ Transylvania ကို စေလွတ်ခြင်းခံရတဲ့အခါ – နှစ်သက်တမ်းကြာမြင့်စွာ ရှိတဲ့ Dracula ရှိတဲ့နေရာကို ကြက်သွန်ဖြူ နဲ့ သွားရွလို့ မရမှန်းသိတဲ့အခါ Van Helsing တစ်ယောက် ဘာတွေသယ်ဆောင်သွားမလဲ? – Dracula မှာ ဇနီးတွေ ရှိနိုင်ပါသလား ? Dracula က ကလေးမွေးနိုင်လား ? မွေးလာတဲ့ကလေးတွေကကော ဘာပုံစံဖြစ်မလည်း? – အခြား ဘယ်သူတွေကရော Dracula ကိုနိုင်ဖို့ ဘယ်လိုတွေကူညီကြမလဲ? – Dracula ကကော ဘာတွေကြံစည်နေကြတာလဲ? – Dracula ရှိတဲ့ နယ်မြေ မှာ Ven Helsing က ဘာ mission တွေ လာလုပ်တာလဲ ? စလာကတည်းက တဝုန်းဝုန်း တဒိုင်းဒိုင်းပါပဲ။ Black and White နဲ့ စတင်ခဲ့ပြီး သဘာ၀လွန် ဖြစ်ရပ်များစွာပါတဲ့အပြင် ရူပ်ထွေးပွေလီလှတဲ့ ဇာတ်လမ်းတွေက်ု Van Helsing တစ်ယောက်ဘယ်လိုတွေကျော်ဖြတ်မလဲဆိုတာ။

Rec ဆိုတဲ့နာမည်အတိုင်း ဇာတ်ကားတစ်ကားလုံးကို Document တစ်ခုလိုရိုက်ထားတဲ့အတွက် Horror ရုပ်ရှင်ကို First Person အနေနဲ့ကြည့်ရှုရမှာဖြစ်ပါတယ်။ ဒီဇာတ်ကားကိုတော့ ဒါရိုက်တာအဖြစ် Paco Plaza နဲ့ Jaume Balaguero တို့က ရိုက်ကူးပေးထားပြီး သရုပ်ဆောင်တွေအနေနဲ့ Manuela Velasco, Ferran Terraza, Carlos Lasarte တို့နဲ့အတူ ကင်မရာမန်းအဖြစ် Pablo Rosso တို့က အဓိကပါဝင် သရုပ်ဆောင်ထားပါတယ်။ တီဗီအစီအစဉ်တင်ဆက်သူဖြစ်တဲ့ အန်ဟယ်လာ(Manuela Velasco)နဲ့ ကင်မရာမန်းဖြစ်သူ ပါဘလို(Pablo Rosso)တို့ဟာ မီးသတ်ဌာနရဲ့ လုပ်ငန်းစဉ် တွေကို လေ့လာဖို့အတွက် ရိုက်ကူးနေစဉ်မှာပဲ တိုက်ခန်းတစ်ခုမှာလူတစ် ယောက်ပိတ်မိနေတယ်ကြောင်း လိမ်လည် သတင်းပေးပြီး သူတို့အကုန်လုံးကို တိုက်ထဲမှာ ခေါ်ပိတ်ထားလိုက်တယ် အဲ့ဒီတိုက်မှာ တကယ်ကဘာတွေဖြစ်နေတာလဲ ဘယ်လိုလျှို့ဝှက်ချက်တွေရှိနေတာလဲ အဲ့ဒီတိုက်ထဲကနေထွက်ဖို့ ဘယ်လိုကြိုးစားကြမလဲဆိုတာကတော့ သွေးသံရဲရဲနဲ့ ကြောက်လန့်စရာအခန်းတွေပါဝင်တာကြောင့် ကလေးသူငယ်များနဲ့ နှလုံးမကောင်းသူများ ကြည့်ရှုဖို့ မသင့်တော်ပါဘူး ခင်ဗျာ။

မြို့ကြီးပြကြီးက အိမ်ခြံမြေအကျိုးဆောင် ဂျိုနသန်ဟာကာတစ်ယောက် ထရန်ဆဲလ်ဗေးနီးယားဒေသအထိ ခရီးဝေးထွက်ပြီး ငွေကြေးရှင်တော သူဌေးတစ်ယောက်ကို အိမ်ရောင်းရင်း အကျိုးဆောင်ခ မြက်မြက်လေးရဖို့ ကြိုးစားရာကနေ မရဏတိမ်တိုက်တစ်ခုကို သူ့ဘဝတင်မကဘဲသူနေ ထိုင်ရာမြို့ဆီပါ ခေါ်ဆောင်လာမိသလို ဖြစ်သွားရတဲ့ ဒီ ဒရက်ကူလာဇာတ်လမ်းကိုတော့ ကလေးရော၊ ခွေးရော၊ ကလေးရဲ့ဘွားတော်ကြီးပါကြား ဖူးကြပါလိမ့်မယ်။

ကျွန်တော်တို့ ငယ်ငယ်က ပါဝါရိန်းဂျားကားတွေ ကြည့်ပြီး ပါဝါရိန်းဂျားတွေနဲ့ သူငယ်ချင်းဖြစ်ချင်တဲ့သူတွေ ရှိသလို စကူဘီဒူးကားကြည့်ပြီး အဲဒီထဲကလို သူငယ်ချင်းတွေရချင်တာတွေ ဖြစ်ဖူးခဲ့ကြမယ်ထင်ပါတယ်။ တိုနီဆိုတဲ့ ကောင်လေးကလည်း အတူတူပါပဲ။ ဒါပေမဲ့ ကျွန်တော်တို့နဲ့ မတူတာက သူက သွေးစုပ်ဖုတ်ကောင်တွေ အကြောင်းကို အမြဲအိပ်မက်မက်လေ့ရှိတဲ့သူဗျ။ သူမက်တဲ့ အိပ်မက်တိုင်းမှာလည်းသွေးစုပ်ဖုတ်ကောင်တွေရဲ့ ဒဏ္ဍာရီတွေနဲ့ အဆောင်ပစ္စည်းလေးတစ်ခုက အမြဲတမ်းပါနေခဲ့တယ်။ တစ်နေ့မှာ သူ့ရဲ့အခန်းထဲကို သူနဲ့ရွယ်တူ သွေးစုပ်ဖုတ်ကောင်လေးတစ်ယောက် ရောက်လာပြီး အပြန်အလှန်ကူညီပေးကြရင်း သူငယ်ချင်းတွေ ဖြစ်သွားကြတာပေါ့ဗျာ။ ဒါပေမဲ့ အဲဒီသွေးစုပ်ဖုတ်ကောင်တွေမှာ အရေးကြီးတာဝန်တစ်ခုရှိနေပြီး ပျောက်နေတဲ့ အဆောင်ပစ္စည်းလေးကို မတွေ့ရင် အားလုံးဒုက္ခရောက်ကြရမဲ့ အခြေအနေဖြစ်နေခဲ့တယ်။ ဒီတော့ သွေးစုပ်ဖုတ်ကောင်တွေနဲ့ ဆက်စပ်မှုတွေရှိနေတဲ့ တိုနီနဲ့ သူ့သူငယ်ချင်းတို့ ဘယ်လို စွန့်စားခန်းတွေ ထွက်ကြမလဲဆိုတာကို စိတ်ဝင်တစား ကြည့်ရှု့သွားရမယ့် ဇာတ်လမ်းလေးတစ်ပုဒ် ဖြစ်ပါတယ်။

ကျွန်တော်တို့နဲ့ ဆင်တူတဲ့ အခြားကမ္ဘာတခုမှာတော့ Vampiresတွေဟာ လူသားမျိုးနွယ်နဲ့ အတူတကွ ငြိမ်းချမ်းစွာနေထိုင်ကြတယ်။ ခရစ်ယာန်ကျောင်းတော်ကြီးရဲ့ အရိပ်အာ၀ါသအောက်မှာ ဘုရားသခင်က လူသားမျိုးနွယ်တွေကို ကာကွယ်စောင့်ရှောက်ဖို့ သူတို့ကိုဖန်တီးခဲ့တယ်ဆိုတဲ့ ယုံကြည်ချက်နဲ့အတူဘရားသားဟုဒ်ဆိုတဲ့အမည်နဲ့ တာ၀န်ထမ်းဆောင်ကြတယ်။ ဘရားသား ဆိုင်းလက်စ်ကတော့ ဒီထဲကတယောက်ပါ။ ကျောင်းတော်မှာအမြင့်ဆုံးကာဒီနယ်ဖြစ်လာတော့မယ့်သူ။ ဒါပေမယ့် ညီဖြစ်သူ ဘရားသား အက်ဒ်ဂါက လူသားတွေကို စတင်သတ်ဖြတ်လာခဲ့တော့ လူသား ရဲအရာရှိ လစ်လီဆိုတဲ့ အမျိုးသမီးနဲ့အတူ သူ့ကိုတားဆီးဖို့ဖြစ်လာခဲ့ပါတယ်။ ဒါပေမယ့်အက်ဒ်ဂါက ဘာဖြစ်လို့ ဒီလိုတွေလုပ်နေရတာလဲ။ ကျောင်းတော်ကြီးကလည်း နောက်ကွယ်မှာဘာတွေဖြစ်နေတာလဲ။ အက်ဒ်ဂါရဲ့ ကမ္ဘာကြီးကိုပြောင်းလဲမယ့်အကြံအစည်ကိုရော တားဆီးနိုင်ပါ့မလား။ လစ်လီနဲ့ ဆိုင်းလက်စ်တို့ကြား ဘာတွေဖြစ်လာဦးမလဲဆိုတာကို ဒီPerfect creature ဆိုတဲ့ဇာတ်ကားလေးမှာရှုစားအားပေးကြပါဦး

Dylan is terrified when a nasty bat bite transforms him into one of the living dead. His world is turned upside down, and he has to figure out how to balance his budding romance with Sara, the girl next door, and the bloodthirsty desires his magnetic vampire mentor Trey is constantly urging him to give in to.