Barbie og Hnotubrjóturinn

Hér er á ferðinni nýtt ævintýri um Barbie, en í því fylgjumst við með Klöru, sem er falleg prinsessa. Hún eignast fallegan Hnotubrjót, en einn daginn vaknar hann til lífsins til að hindra Músakónginn í að ráðast inn á heimili Klöru. Þegar hún reynir að aðstoða Hnotubrjótinn minnkar Músakóngurinn hana með svartagaldri og lendir Klara þar með í miklu ævintýri með Hnotubrjótinum, þar sem þau þurfa að finna Sykurprinsessuna, einu veruna sem getur aflétt álögunum af Klöru. Þurfa þau auk þess að ráða niðurlögum Músakóngsins, sem ógnar öllu ríkinu.